UNEC-də Azərbaycan Respublikasının dövlət müstəqilliyinin bərpasının 30-cu ildönümünə həsr edilən məqalə müsabiqəsi elan olunur.

Müsabiqənin məqsədi UNEC-in professor-müəllim heyəti və tələbələrinin dövlət müstəqilliyinin bərpası ilə bağlı dövri mətbuatda məqalələr dərc etdirmələrinin təşviq edilməsidir.

Təqdim olunmuş məqalələr UNEC-də yaradılmış Komissiya tərəfindən dəyərləndiriləcək və qaliblər mükafatlandırılacaqlar.

Professor-müəllim heyəti üçün mükafatın məbləği:

I yer – 500 azn;
II yer – 300 azn;
III yer – 200 azn.

Tələbələr üçün mükafatın məbləği:

I yer – 300 azn;
II yer – 200 azn;
III yer – 100 azn.

Müsabiqədə iştirak etmək istəyənlər dövri mətbuatda nəşr etdirdikləri məqalələrin elektron variantını (word və ya pdf formatda) və məqalənin nəşr olunduğu saytın (rəsmi sayt olmalı) linkini və ya qəzet və jurnalların surətini [email protected]elektron ünvanına göndərməlidirlər.

Məqalə 5-7 səhifə həcmində olmalıdır. Yalnız dövri mətbuatda nəşr olunmuş məqalələr müsabiqədə iştirak edə bilər. Məqalədə müəllifin adı və soyadı, professor-müəllim heyətinin çalışdığı kafedra, tələbənin təhsil aldığı fakültənin adı və qrupu qeyd olunmalıdır.

Məqalələrin son göndərilmə tarixi: 30 sentyabr 2021-ci il.

Ətraflı məlumat üçün əlaqə telefonu: +(99412) 492 57 31 (UNEC Tədqiqat mərkəzlərinin işinin əlaqələndirlməsi və təşkili şöbəsi)